2008/08/26

حبيبى


حبيبى
قالوا عن الحب انه مؤلم ولكنى لم اكترث اخبرتهم انك سوف تكون معى
ولكن لم اعتقد انه بهذا القسوه ابدا لم اعتقد ان تكون انت ا من تفعل بى هذا
حبيبى يتبادل العشاق ورودا وهديا
اما انت فتهدينى خنجر وليس فى اى مكان انه فى القلب
حبيبى احكم مسكته جيدا وسدد الضربات اكثر
صدقنى فان كان هذا يرضيك فلن يعترض قلبى
ولكن بعد ان تنهى ضع خنجرك فى ايدى واوثقه برابط قوى جدا حتى لا يفلت من يدى
لانى ما زلت بحاجه اليه
نعم احتاجه
فقد امتلى صدرى دماء اريد ان اشق فتحه فيخرجى دمى ارضا
اريد ان اشق صدرى اكثر واكثر لاخرج المك منه
حبيبى
لم اعتقد انك لم تثق فى يوما
لم اتخيل انى لست حبيبتك
صدقنى ولو اخبرتنى الف الف مره انى حبيبتك رغم الشك فى قلبك
فانى لست اصدقك
حبيبى انها لايجتمعان معا
كيف لقلب يحوى الحب والشك ان يحيا
حبيبى اخشى عليك كثره الشك
حبيبى انه يقتلنا الا تشعر بى وانا اهوى بين يدك

35 تعليقات:

Blogger حسن حنفى يقول...

للاسف الشك بيقتل اي حب

الثلاثاء, 26 أغسطس, 2008  
Blogger Unknown يقول...

لا الشك مش بيقتل الحب ده بيزيد الغيرة والتمسك بالحبيب بس بحرص ده بالنسبة لي
كل ودي

الثلاثاء, 26 أغسطس, 2008  
Blogger blue-wave يقول...

بتعجبنى اوى كمية المشاعر والإحاسيس اللى فى بوستاتك
تسلمى

الثلاثاء, 26 أغسطس, 2008  
Blogger محمود حسن العدل يقول...

اذا اردت ان تعرف ان شخص مايحب فاعرف ان كان يغير عليك ام لا ..
واذا كنت تريد تعرف مقدار حبك فى قلبة ... فايظهر من مدى غيرتة عليكى .
عزيزتى الغيرة اذا ضاعت بين الاحباب اصبحت الحياة روتينية فارغة لاطعم لها
تحياتى

الثلاثاء, 26 أغسطس, 2008  
Blogger هــــــــــــايدي يقول...

حسن حنفى
اكيد لما الشك بيزيد بيمةت الحب
شكرا لمرورك

كاتب مصرى

الشك صدقنى مدمر اللى بيزيد الحب الثقه
مش الشك

الثلاثاء, 26 أغسطس, 2008  
Blogger هــــــــــــايدي يقول...

blue wave
متشكره اوى لكلامك
بس الاحساس دا حقيقى انا كتبت البوست دا فى ثوانى لانى كنت حساه
حتى ممكن يكون البوست محتاج شويه كلام زياده بس انا وقت ما كنت بكتب مقدرتش اكمل

الثلاثاء, 26 أغسطس, 2008  
Blogger هــــــــــــايدي يقول...

محمود

معاك حق انك لو عاوز تعرف ان حد بيحبك ولا لاء شوف غيرته عليك
الغيره مقياس الحب دا اكيد وخصوصا فى البنات و الغيره برده مقياس الرجوله فى الولاد
بس انا بقول ان الشك هو اللى بيقتل
تخيل انى حبيبك بيشك فى تصرفات ديما متوقع انك تعمل حاجه غلط
صدقنى والله احساس مؤلم وجارح اوى ان اقرب حد لك فى الدنيا كلها ولا دا ممكن مش يكون لك غيره يشك فيك

الثلاثاء, 26 أغسطس, 2008  
Blogger كلام وخلاص يقول...

الحب اللى بجد يطرد الشك والشك يطرد الحب اللى مش بجد احساسيك عالية وراقية زى صاحبتها
افكارك جميلة يا هايدى ومدونتك مريحة جدااا
سلام يا قمر

الأربعاء, 27 أغسطس, 2008  
Blogger ,.-~*'¨¯¨'*•~mr ,.-~*'¨¯¨'*•~monshed يقول...

الشك هو سلاح ذو حدين لو كان كويس متوسط يعني يبقي ده نتيجه خير لو كان شك زايد يبقي اذن قتل الحب ودمر العلاقة خالص
والحكمة بتقول انت تشك اذن انت دبوس ولا ايه..........
مدونة جميلة وان شاء الله منتظر من حضرتك زيارة لمدونتي المتواضعة
اخوكي منشد

الأربعاء, 27 أغسطس, 2008  
Blogger هــــــــــــايدي يقول...

منشد
نورت مدونتى دى اول زياره لك وان شاء الله مش تكون الاخيره واكيد هزور مدونتك
وفعلا زى انت ما قولت بالظبط
ان تشك اذا انت دبوس

الأربعاء, 27 أغسطس, 2008  
Blogger هانى المصرى يقول...

بوست حلو ..ينم عن احاسيس مرهفه .
كل سنه وانتى طيبه يا هايدى

الأربعاء, 27 أغسطس, 2008  
Blogger عايش... ولكن !!!! يقول...

كلماتك جميله جدا واحساسها عالى جدا
الشك بيقتل الحب لكن حب من غير غيره مينفعش يبقى حب بليد
تحياتى
علاء

الخميس, 28 أغسطس, 2008  
Blogger عايش... ولكن !!!! يقول...

اه نسيت اقولك كل سنه وانتى طيبه
وابقى تابعى بقا المدونه الاسلاميه
www.allahom-ehdna.blogspot.com

الخميس, 28 أغسطس, 2008  
Blogger شفـقــة و إحســــان يقول...

ايه الكلام الرومانتيكى ده
بس البوست حلو اوى

الجمعة, 29 أغسطس, 2008  
Blogger نـــــور يقول...

ازيك ياجميله
رمضان كريم
بصى
البست حلو وتعبيراتك سكر بس عايزة اقولك
اللى طبعه الشك مش ممكن يتغير
علشان كده اللى شكاك ده يسود عيشه اللى معاه
ومشكلت انى لا اؤمن الا بمبدأ اللى يبيعك بيعه والمركب اللى تودى برغم انى والله مش قليله الاصل خالص والله

يمكن بنزعل ونتألم
بس لازم

كل سنه وانتى بخير مرة تانيه

الجمعة, 29 أغسطس, 2008  
Blogger هــــــــــــايدي يقول...

هانى علوان
متشكره اوى لكلامك
وكل سنه وانت طيب
ــــــــــــــ
عايش ولكن
مش عارفه بس اللى انا عارفاه ان الشك بيقتل اى حاجه بيدخلها
ممكن نسمح بالغيره دى وجودها جميل
وكل سنه وانت طيب
وان شاء الله اتابع مدونتك انا كمان عندى مدونه تانيه لرمضان ان شاء الله تعجبكم

الجمعة, 29 أغسطس, 2008  
Blogger هــــــــــــايدي يقول...

شفيقه هانم واحسان بيك
نورتى مدونتى المتواضعهواتمنى دوام التواصل

الجمعة, 29 أغسطس, 2008  
Blogger هــــــــــــايدي يقول...

habiba
بصى ممكن العيشه مع حد شكاك صعبه وجدا كمان بس فى شخص معين مش بتقدرى تعشى من غيره حتى لو وجودك معاه هيتعبك
تحياتى
وكل سنه وانتى طيبه

السبت, 30 أغسطس, 2008  
Blogger هانى المصرى يقول...

شكرا على المرور وكل سنه وانتى طيبه

السبت, 30 أغسطس, 2008  
Blogger رؤية يقول...

لا تتالمى....

اعنك الله على حبك..ان كان خيرا لك،
دمتى طيبة،
تحياتى لك.

الأحد, 31 أغسطس, 2008  
Blogger ذو الوجه المبتسم يقول...

السلام عليكم ورحمة الله وبركاته
كل سنة وانتى طيبة
اولا اعتذر عن التأخير
وده لانى الفترة دى باجهز اوراقى للسفر للخارج
اما عن تعليقى
** الفكرة ممتازة ** والاحاسيس ملتهبة
والموضوع نفسه عاوز متسع كبير من الوقت علشان نتكلم فيه

- الشك يقتل الحب والحب يقتل الشك

- الغيرة تزيد التهاب الحب . لكن اذا وصلت الغير الى درجة الشك هتكون مشكلة

- اكرر مبدأ باحبه قوووى وهو :
" الحب من اجل الحب "
الحب تسامح وغفران
والى تعيلقا اخر قريبا باذن الله
تحياتى لك

الأحد, 31 أغسطس, 2008  
Blogger مصراوى يقول...

هااااااااااى اختى الغالية هايدى ادينى بعلك لحسن تفتكرى الى انا قسرت فى حقق بس انا ولله كنت تعبان اوى لدرجت انى مكنتش بكوم من عالى السرير حتى لو مش مسدقانى بسى فى المدونة بتعتى هتلاقى انا معدلتش فيها اى حاجة خالص زى ما هية انا اسف على التاخير بجد لحسن تقونى زعلتى منى افتكرتى الى انا زعلان من حاجة بس انا مكنش بيدى والله انا اسف تانى مرة تحياتى يا اختى انتى بئا مكلتيش رايك فى اول بست انزلة انا انا نفسى اشوف رايق قبل منزل بست جديد تحياتى

الأحد, 31 أغسطس, 2008  
Blogger هــــــــــــايدي يقول...

رؤيه
شكرا لمرورك الكريم
كل سنه وانت طيبه
كل عام وانتى الى الله اقرب
ـــــــــــ
عالم الحب
ازيك كل سنه وانت طيب
انا مش زعلانه بس انا كنت مستغربه من تعليقك كنت حاسه بتعلق لحد تانى

الأحد, 31 أغسطس, 2008  
Blogger هــــــــــــايدي يقول...

ذو الوجه المبتسم
كل عام وانت بخير
لما شوفت البوست بتاعك الاخير فرحت ودلوقتى لما قريت تعليقك زعلت
انا مش بحب السفر بره مصر
مش عارفه بس كل الناس بتسافر وتسيبها مش عارفه مين اللى هيستنى
بس
وان شاء الله لو سافرت مش تنسانا
ونشوف برده بوستات جديده على مدونتك
سلام

الأحد, 31 أغسطس, 2008  
Blogger ادم المصرى يقول...

كل عام وانتى بخير

الثلاثاء, 02 سبتمبر, 2008  
Blogger عبدالله جميل يقول...

اذا احببتى انسان فيجب ان تثقى فيه ولكن ليست ثقه مطلقه ثقه مع الحرص ولكن لانك تحبه فيجب ان لا تشعره بانك تمتلكه بشكك وغيرتك عليه حتى لا يمل من سجنك

الثلاثاء, 02 سبتمبر, 2008  
Blogger .:.-=- ELGaZaLy-=-.:. يقول...

الحب والشك لا يجتمعان ..بل يقتلان بعضهم البعض..

كل عام وانتى الى الله اقرب

الجمعة, 05 سبتمبر, 2008  
Blogger romansy يقول...

كل سنة وانتى طيبة
كلماتك رقيق قوى
ومعبرة بس انا عندى راى ف الحب
الحب هو الود والحنية
عمرة ماكان حيرة ودموع وقسية
الحب هو اللى بامرة هوايتك
وامرة لا بايدك ولا بايدية

وفية اغنية جميلة قوى لام كلثوم
اسيبك معاها اسمها ثورة الشك
.
أَكَادُ أَشُكُّ في نَفْسِي لأَنِّي

أَكَادُ أَشُكُّ فيكَ وأَنْتَ مِنِّي

يَقُولُ النَّاسُ إنَّكَ خِنْتَ عَهْدِي

وَلَمْ تَحْفَظْ هَوَايَ وَلَمْ تَصُنِّي

وَأنْتَ مُنَايَ أَجْمَعُهَا مَشَتْ بِي

ِإلَيْكَ خُطَى الشَّبَابِ المُطْمَئِنِّ

وَقَدْ كَادَ الشَّبَابُ لِغَيْرِ عَوْدٍ

يُوَلِّي عَنْ فَتَىً في غَيْرِ أَمْنِ

وَهَا أَنَا فَاتَنِي القَدَرُ المُوَالِي

بِأَحْلاَمِ الشَّبَابِ وَلَمْ يَفُتْنِي

كَأَنَّ صِبَايَ قَدْ رُدَّتْ رُؤاهُ

عَلَى جَفْنِي المُسَهَّدِ أَوْ كَأَنِّي

يُكَذِّبُ فِيكَ كُلَّ النَّاسِ قَلْبِي

وَتَسْمَعُ فِيكَ كُلَّ النَّاسِ أُذْنِي

وَكَمْ طَافَتْ عَلَيَّ ظِلاَلُ شَكٍّ

أَقَضَّتْ مَضْجَعِي وَاسْتَعْبَدَتْنِي

كَأَنِّي طَافَ بِي رَكْبُ اللَيَالِي

يُحَدِّثُ عَنْكَ فِي الدُّنْيَا وَعَنِّي

عَلَى أَنِّي أُغَالِطُ فِيكَ سَمْعِي

وَتُبْصِرُ فِيكَ غَيْرَ الشَّكِّ عَيْنِي

وَمَا أَنَا بِالمُصَدِّقِ فِيكَ قَوْلاً

وَلَكِنِّي شَقِيـتُ بِحُسْنِ ظَنِّي

وَبِي مَمَّا يُسَاوِرُنِي كَثِـيرٌ

مِنَ الشَّجَـنِ المُؤَرِّقِ لاَ تَدَعْنِي

تُعَذَّبُ فِي لَهِيبِ الشَّكِّ رُوحِي

وَتَشْقَى بِالظُّنُـونِ وَبِالتَّمَنِّي

أَجِبْنِي إِذْ سَأَلْتُكَ هَلْ صَحِيحٌ

حَدِيثُ النَّاسِ خُنْتَ؟ أَلَمْ تَخُنِّي

السبت, 06 سبتمبر, 2008  
Blogger الورده الحمراء يقول...

كل سنه وانت طيبه ورمضان كريم
طبعا هذه اول زياره ليا اعجبتني جدا جدا جدا جدا مدونتك بكل ما فيها من اولها الى اخرها جميله ويسلموا هالايدين واتمنى النجاح لك دوما .
وانا برأي الحب جميل بكل ما فيه بحلو وبمرو .
اشوفك على خير واتمنى زيارتك لمدونتي البسيطه

الاثنين, 08 سبتمبر, 2008  
Blogger نـــــور يقول...

ازيك
انتى فين يابنتى
مدونتك مهجورة كده ليه؟
يارب تكونى بخير

الثلاثاء, 09 سبتمبر, 2008  
Blogger هــــــــــــايدي يقول...

ادم المصرى
كل سنه وانت طيب
دى اول زياره لك لمدونتى وان شاء الله مش تكون الاخيره

عبد الله الجميل

لا اختلف معاك لما تحب حد خلاص ثقتك فيه بتكون من غير حدود دا لو حبيت بجد
على فكره بجد مدونتك جميله جدا واتنمى ان كل الناس تدخلها

الأربعاء, 10 سبتمبر, 2008  
Blogger هــــــــــــايدي يقول...

elgazaly
كل سنه وانت بخير
اكيد هم مش بيجتمكعوا
نورت مدونتى
واحب اشوف تعليقك تانى

romansy
كل سنه وانت طيب
تعرف انا بحدب كاظم جدا وعجبنى اوى انك حاطط صورته
بس بلاش تسمعه كتير انت عارف الاغانى حرام
القصيده اللى كتبتها دى هى فعلا بتوصف حالتى انك مش تقدر تشك فى اللى بتحبه لان لو دا حصل انت خلاص مش مكن تثق فى اى حد خالص

الأربعاء, 10 سبتمبر, 2008  
Blogger هــــــــــــايدي يقول...

الورده الحمرا
ها انا بعشق الورد الاحمر بجد
كل سنه وانتى طيبه
دا فعلا اول زياره لكى وان شاء الله تكرر ايد
اوانا اوعدك ان هزور مدونتك بس شويه كدا لانى بجد مش بدخل على النت كتير حتى مدونتى مش بدخلها اوى

ببكا للبيع
ازيك
يارب ناس كتير تتجمع معاكم ان شاء الله اكون معاكم بقلبى لانى مش هقدر اكون موجوده
بس ياريت الزياره تتكرر كل لمده للولاد دول
وربنا يجازيكم خير لانكم هتقدموا للولاد فرحه جامده اوى
تحيااااااااااتى

الأربعاء, 10 سبتمبر, 2008  
Blogger هــــــــــــايدي يقول...

habiba
كل سنه وانتى طيبه متشكره اوى على سؤالك عنى
كنت متوقعه السؤال دا من ناس قريبه منى بس الظاهر انهم نسيونى
انا كويسه الحمد لله
وبخير
بس المدونه التانيه بتاعتى بنزل فيها حجاتا اكتر من دى وان شاء الله ان بوست قريب هنا
متشكره اوى لسؤال عنى
سلام يا حبيبتى

الأربعاء, 10 سبتمبر, 2008  
Blogger مصراوى يقول...

هاى هايدى بجد انا بجد مقسر فى حقق معلش انا اسف من نحيت التعليقات بجد الشك حلو بس لو زاد عن حدة ينكلب علطول ضدك بجد يعنى مش على اى حاجة نشك لان الشك لى حدودة بردو تحياتى بس انسحك لا شك اوى سلام

الثلاثاء, 16 سبتمبر, 2008  

إرسال تعليق

الاشتراك في تعليقات الرسالة [Atom]

<< الصفحة الرئيسية