2009/04/12

تانى مره


معقول

نفس الاحداث بتتكرر تانى

نفس الكلام والاحساس والبدايه اللى تشدك من غير ما تحس

ممكن حد يتخدع مرتين بنفس الاسلوب

وان اختلف الشخص

بيتهيئلى صعب

بجد صعب وخصوصا لما يكون لسه جرح الاولانى فى القلب سايب اثر

ممكن تكون حد كويس

بس اسفه بعتذر

بجد غيرك خد معاه كل حاجه عندى كانت ممكن تتعشق

شوقك ولهفتك بس انا من قبل صدقت واحد كان زيك كدا

اه مشتاق واللهفه كانت فى صوته وكلامه حتى ضحكته

صدقته اه حبيته جدا اديته كل حاجه

يمكن حتى خلاص مفضلش عندى حاجه انت ممكن تشتاق لها

صدقنى كل كلام الحب والشوق قاله كتير يمكن اكتر من الكلام

يمكن جنون

كان اكتر من سحره فرعون فى سحرهم

كان ماكر مخادع

بس بجد عشقت حتى الحروف اللى منها اسمه بيتكتب

اسفه بجد

قلبى خلاص مش هقوله اتكسر لا دا بقى اقسى من الحجر

متحاولش انك تلاقى فيه اى حب او امان

متحاولش لانك مش تلاقى فيه غير خوف و وقسوه م الزمن

بجد ممكن تكون حد احسن من اللى فات

بس برده انت عاوز واحده غيرى

واحده ما غيرهاش القدر

واحده لسه ورده مش بقايا للزمن

بجد صعب اكون معاكى وزكرياته فى قلبى سكاكين بتقطعك

كون لغيرى كون حبيب كون شريف

كون كريم معاها لابعدد الحدود

اانسى اسمى او حتى شكلى انسى اى حاجه عنى

انا واحده دار بيها الشجن

10 تعليقات:

Blogger شمس النهار يقول...

ممكن الاحداث تتكرر تاني
بس في ناس ادمنت انها تتخدع
مش عارفه يمكن حبت دور الضحيه يمكن استعذبت طعم الالم
القصيده اكتر من ممتازه جميله جدا جدا
تسلم ايدك

الأحد, 12 أبريل, 2009  
Blogger صمت المشاعر يقول...

بجد كلماتك مؤثره اوووووووووي وصادقه اوووووووووووي

اكيد صعب الانسان يثق في الاخر بسهوله
لو انجرح من حد كان بيثق فيه اكتر من نفسه

دمتي بكل خير وسعاده وحي

الأحد, 12 أبريل, 2009  
Blogger mohamed ghalia يقول...

يااااااااه كل ده حزن
بس الكلمات روعة بجد

الأحد, 12 أبريل, 2009  
Blogger طوبه فضه وطوبه دهب يقول...

هكذا هى الحياه تعطى ممن يريد وتاخذ ممن يحتاج فليس لنا الا الرضا بما كان فمن لم يقدر حبك سيندم يوما وياتى يوما من يقدر هذا القلب الجميل

الأحد, 12 أبريل, 2009  
Blogger blue-wave يقول...

حرام تظلمى حد بذنب حد

الأحد, 12 أبريل, 2009  
Blogger romansy يقول...

هايدى
احساس بالخداع احساس مؤلم
ممكن نحسه اكتر من مره
بس من غير خداع متفليش قلبك
اديله فرصه جايز يلاقى اللى عاوزه

الأحد, 12 أبريل, 2009  
Blogger حسن حنفى يقول...

اما الزمن يجرح والقلب يقسي

ساعتها الانسان ممكن مشس يحب تاني بس انا عن نفسي مؤمن انه برضه بيجي في النهايه واحد وبيفتح القلب وبيخرج من الحجر ماء

الاثنين, 13 أبريل, 2009  
Blogger مجلة الأم الصغيرة يقول...

ليه بس كدا بتقلبي علينا المواجع :(
بس بجد كلماتك و احساسك أعظم من أن أقف امامها

تحياتي لقلمك و نبض احساسك

الاثنين, 13 أبريل, 2009  
Blogger الازهرى يقول...

عندما تتكرر الاحداث
ولا نتعلم منها
فمعنى ذلك اننا يحب ان نجلس مع انفسنا لنعيد حساباتنا حياتنا من جديد


تحياتى دوما

الثلاثاء, 14 أبريل, 2009  
Blogger أشرف يقول...

في البدايه يا هايدي دي أول زياره ليا لمدونتك
فعجبتنى أوى فأتتمنى لكى دائما التوفيق .
اما بخصوص البوست فأقول لكى عبر كلمات قد كتبتها وهى تعبر عن ما مر بكى ... أقول فيها
أصعب حاجه تمر علي حد
أنه يفكر انه أتحب
أنه يكون ضحيه لقلب
عاش وتربى يضخ الكدب
عايش يجرح
عايش يخدع
بأسم الحب

الأحد, 19 أبريل, 2009  

إرسال تعليق

الاشتراك في تعليقات الرسالة [Atom]

<< الصفحة الرئيسية