2009/05/09

مش عارفه


مش عارفه

سعات بنكون عاوزين نقول كلام كتير

بس فى اكتر الاحوال السكوت بيكون هو الطريق الوحيد لكل الكلام دا

صراع طويل اوى بين صمت وصراخ

بس مين فيهم هينتصر

لما بيكون اللى عاوزه يسمعك اصم

بيكون كلامك سكاكين بتموتك انت

لما بيكون اللى عاوزه يسمع كلامك ايعد عنك من اى حد

بيكون سكاتك افضل الحلول واصعبها

لما ديما الشك بيكوت رفيقك فى الطريق

بتختار انك تلغى رحلتك

لما اجمل قصص الحب بتنهى باصعب صورها

بنختار ديما الهروب منها

من كتر ما بنقابل ناس خاينه ونشوفهم معانا وحولينا

بنخاف نكون فى يوم زيهم

بس الاكيد ان الجرح صعب

والاصعب من دا اننا مش قادرين نكره ولا حتى ننسى اللى جرحنا

مش عارفه

فى حجات كتير بتحصل بس النهايه فين ومع مين

صعب اوى ان حد يعرفها
يــــــــــــــــــــــــــــــــــــــــــــــــــــــــــــــــــــــــــــــارب تكون خير
وداع
الى اجل غير محدود
هايدى محمود




12 تعليقات:

Blogger Blue Berry يقول...

عارفة. سعات الواحد بيمووووت ونفسه يتكلم ولما الي قدامه يديله فرصة عشان يتكلم و يتكلم يقول ياريتني كنت ساكت

مش عارفة وصلك كلامي ولا لا بس بوست جميل

السبت, 09 مايو, 2009  
Blogger شمس النهار يقول...

البوست جميل
والحاله فيه معروفه
عارفه ساعات الواحد بيسكت علي مضض
عشان لو اتكلم الكلام لما يخرج منه هيوجعه
اكتر من ماالفعل واجعه وساعتهاممكن يسمع كلام يوجعه اكتر
فالاالسكوت بيريح والا الكلام هيريح

والا اللي جرح بيعرف انه جرح

السبت, 09 مايو, 2009  
Blogger mohamed ghalia يقول...

إن شاء الله خير
ربنا يسعدك دايما

السبت, 09 مايو, 2009  
Blogger Unknown يقول...

ساعات السكوت بيبقي من ذهب فعلا ......

السبت, 09 مايو, 2009  
Blogger صمت المشاعر يقول...

كلامك بجد اثر فيا اوووووووووي

قرئته يجي تلت مرات

كلمات مؤثره واحساس صعب اووووي

ربنا يجعل حياتك كلها سعاده وحب ورضا يارب

الأحد, 10 مايو, 2009  
Blogger صمت الحنين يقول...

لما بيكون اللى عاوزه يسمعك اصم

بيكون كلامك سكاكين بتموتك انت

لما بيكون اللى عاوزه يسمع كلامك ايعد عنك من اى حد

بيكون سكاتك افضل الحلول واصعبها

احساس مؤلم

ربنا يكرمك يارب ويفك كربك باذن الله

دمتى بكل خير

الاثنين, 11 مايو, 2009  
Blogger حسن حنفى يقول...

اصعب احساس انك تكون عاوز تتكلم

وتحكي لحد ومش عارف او مش لاقي الحد ده

ساعتها بتسكت بس سكوت زي الموت

الجمعة, 15 مايو, 2009  
Blogger kochia يقول...

فعلا السكوت بيكون كتير حل استراتيجي
بنستريح بيه من محاولة افهام االخرين شئ ممكن محدش يفهمه
والحب والكره ده مقدرة
مش اي حد عاوز يحي بيحب او عاوز يكره بيكره
صعب
خليكي زي مانتي
تحياتي

الاثنين, 18 مايو, 2009  
Blogger mahasen saber يقول...

مش عارفه ليه

الاحاسيس اليى جوا البوست ده
كلنا بنمر بيها

يمكن من صدقها وشفافيتها خلتنى احس كده

الثلاثاء, 19 مايو, 2009  
Blogger أ / أحمد عبد المنعم يقول...

بسم الله الرحمن الرحيم
الأخت الفاضلة : هـــايدى
كلامك جميل جدا ومشاعرك رائعة ورؤيتك للواقع حاضرة بشكل جيد لكن
هل لديك الخبرة الكافية لمواجهةهذا الواقع ؟؟!
ما رأيك فى كتابة هذة الخواطر الرائعة بلغة عربية سهلة حينها سنقرأ شعرا يستحق الثناء

الثلاثاء, 02 يونيو, 2009  
Blogger mohamed ghalia يقول...

فى ايه ايه كل الغياب ده
فى إنتظارك دوما

السبت, 27 يونيو, 2009  
Blogger حـــــروف متــبعترة " عــمرو الشــايب يقول...

الكلام دة يدل على احساس حلو احساسك حلو اوي

و ع فكرة الكل كدة مش انتى بس و نقول يارب و اكيد الاحسن جاي

الخميس, 27 أغسطس, 2009  

إرسال تعليق

الاشتراك في تعليقات الرسالة [Atom]

<< الصفحة الرئيسية